प्रतिवेदन को नमुना तरिका । Pratibedan ko Namuna Tarika

 पेज नं:-१३                     मोडेल प्रतिवेदन 

२९. अविश्वासको प्रस्तावमाथी निर्णय :- 

अविश्वासको प्रस्ताव उपर आफ्नो भनाई प्रस्तुत गर्ने क्रम समाप्त भएपछि अध्यक्षता गर्ने व्यक्तिले सो अविश्वासको प्रस्तवको बहुमत पक्ष वा विपक्षमा के छ भन्ने निर्णयको लागि देहाय बमोजिमको कुनै एक तरिकाले अपनाई अविश्वासको निर्णयको घोषणा गर्नेछ ।

(१) गोप्य मतदानबाट 

(२) पक्ष वा विपक्षमा अभिमत प्रकट गर्न लगाई 

३०. विधान संशोधन :- 

कुल सदस्य संख्याको दुई तिहाई सदस्यहरुले अनुमोदन गरे पश्चात् मात्र संस्थाको कुनै दफा संशोधन वा खारेजका लागि स्थानिय अधिकारी समक्ष सिफारिश गारी पठाउनुपर्नेछ । स्थानिय अधिकारीबाट स्वीकृत भए पश्चात् मात्र संस्थाको कुनै दफा संशोधन वा खारेज भएको मानिन्छ ।

३१. ऎन अनुसार हुने :- 

यस विधानमा उल्लेख भएका कुराहरु कानुन बमोजिम हुनेछ र संस्था दर्ता ऎन, नियम र प्रचलित कानुनसँग बाझिन गएमा बाझिएको हदसम्म स्वतः निष्क्रिय हुनेछन् । 

३२. निर्देशनको पालना :- 

(१) नेपाल सरकारको स्थानिय अधिकारले समय समयमा दिएको निर्देशनको पालना गर्नु संस्थाको कर्तव्य हुनेछ । 

(२) स्थानिय अधिकारीबाट समय-समयमा प्राप्त निर्देशनलाई पूर्णत गरिने । 

(३) यो विधानमा कुनै पनि शब्द वा वाक्य देशको प्रचलित कानुनसँग बाझिएको ठहरिएमा सो बुझिएको हदसम्म स्वतः अमान्य हुनेछ ।

(४) यो विधान स्वीकृत हुनु भन्दा अगाडि यसै संस्थाबाट संस्थाको हितमा भए गरेका काम कारवाहिहरु यसै विधान बामोजिम भए गरेको मानिने छ ।

(५) यस संस्थाको हितका साथै राष्ट्र हितका लागि असल मनसायले गरिएको कार्यहरुको हकमा कुनै पदाधिकारी वा सदस्यहरु व्यक्तिगत रुपमा नभई संस्थागत रुपमा जिम्मेवार हुनेछन् । 

(६) यस संस्थाको भावी कार्यक्रम जस्तो सुकै प्रकारको भएपनी यसको आर्थिक र कानुनी दायित्व निरन्तर र नियमित हुनेछ ।

(७) संस्थाले नियम बिपरित कार्य गरेमा संस्था दर्ता गर्ने अधिकारीले संस्था निलम्बन वा खारेज गर्न सक्नेछ ।

३३. नियम , विनिमय बनाउन सक्ने :- 

यस संस्थाले विधान प्रस्तावना र उदेश्यहरुको परिधिभित्र रहि संस्था संचालन प्रयोजनार्थ आवश्यक नियम , विनिमय बनाई साधारण सभामा पेश गर्न सक्नेछ । साधारण सभाबाट पारित भएपछि कार्यन्वयनमा ल्याईनेछ र सो को जानकारी स्थानीय अधिकारी समेतलाई दिईनेछ ।

३४. संस्थाको बिघटन :- 

यो संस्था विधान बमोजिम संचालन गर्न नसकिएमा वा अन्य कुनै कारणबाट विघटन भएमा संस्थाको सम्पुर्ण चल अचल सम्पत्ति प्रचलित कानुन बमोजिम नेपाल सरकारको नाममा सर्नेछ ।

पेज नं:-१३

लेखक:- राम